Do I Look Like a Terrorist?

Hvernig á hryðjuverkamaður að líta út?

Ég hef verið að velta þessu fyrir mér í sambandi við síðuna indefence.is. Þegar hryðjuverkalögin voru sett á í Bretlandi var bent á það að þau myndu mjög líklega vera notuð í röngum tilgangi og að slík lög myndu skerða brogaraleg réttindi þegna landsins. Þó ég haldi ekki að það sé ætlunin þá koma myndirnar á indefence.is af hvítum Íslendingum með skilti sem á stendur ,,Do I look like a terrorist?" út eins og það sé alveg fáránlegt að setja hryðjuverkastimpilinn á vestrænt, norrænt, kristið og umfram allt hvítt fólk. Er það virkilega okkar besta vörn að benda á það að við séum ekki múslimar eða með "arabaútlit"? Ég held að það væri sterkara af okkar hálfu að skoða hryðjuverkalögin sjálf og gagnrýna þau almennt og nota okkar dæmi til þess að benda á að umdeilt er hvort þau eigi rétt á sér. Þetta er smá vangavelta. Ég held að þeir sem myndað hafa sig með skilti sem á stendur "Do I look like a terrorist?" eða "Do you really think I am a terrorist?" hafi ekki leitt hugan að merkingu útlits síns og upruna.