Haust-spæling

Á síðu einni sá ég að vitnað var til Spælinga sem "þjóðfélagsins í nærmynd." Það sjokkeraði mig en um leið fylltist ég óttalegu stolti fyri hönd síðunnar eins og vill gerast er hrós berst til eyrna. Hvað um það. Ákvað að reyna að koma með eitthvað sem gæti kallast oggulítill hluti dansks samfélags í nærmynd...

Þegar fólk kemur til náms eða vinnu í öðru landi er ekki gefið að það tali þá tungu sem í komulandinu hljómar. Þrátt fyrir það verður fólk að standa sig, vinna og læra, lesa og fræðast. Það er oftar en ekki hægara sagt en gert. Líklegt er að viðkomandi nýliði í samfélaginu hiksti og hökkti þegar að tjáning á nýju tungumáli kemur. Þá er mikilvægt fyrir þá sem málið kunna og þykir nýliðinn illskiljanlegur, að sýna þolinmæði og umburðarlyndi. Ekki hefur enn heyrst af máli sem manneskja yfir tvítugt getur lært á einum degi (íslenskunemar leiðréttið ef þið hafið upplýsingar sem gefa það til kynna). Ef nýliða er aftur á móti sýndur skætingur og grín gert að ófullkominni þvoglumælgi og óþarfri skýrmælgi, er það til þess eins og brjóta niður sjálfstraust nýliðans sem þá verður hræddari við að tjá sig. Ef eitthvað er verður þetta til þess að nýliðinn fyllist gremju í garð tjáningarforskots sem hinir innvöldu hafa.

Þegar háskólanemar sem áhuga hafa á samfélaginu og mannfólki, sýna óþolinmæði og umburðarleysi í garð nýliða sem þó hefur fengið kennslu í málþvoglunni, hvernig eru þá viðhorf þeirra gagnvart þeim sem enga kennslu hafa fengið, eru öðruvísi klædd og líta allt öðruvísi út?

Tja, kona spyr sig.
//eög