Omálefnaleg færsla

Veit ekki hvort enn sé hægt að vitna í þetta blogg sem samfélagsins í nærmynd, eins og var eitt sinn sagt. Ég verð fyrir mína parta að segja að ég er komin með upp í kok á fræðitextum og blaðri. Kannski ég sé ekki á "réttri hillu" í lífinu því mannfræðin gengur jú að vissu leiti út á að koma niðurstöðum rannnsókna sinna á framfæri í TEXTA. Blöh. Líst vel á námið Hagnýt menningarmiðlun sem boðið er upp á í HÍ á masters-stigi. Þar væri hugsanlega hægt að læra að koma þekkingu á framfæri á annan hátt. Og er svo sem hægt, ætli það sé ekki bara ég sem er svo hugmyndasnauð.
En já, svo þetta blogg er ekki málefnaleg færsla heldur bara blaður. Gæti komið með tjáningu dagsins á ljótleika lífsins en geri það ekki því ég hef nýverið fengið þær upplýsingar að einnig sé mikilvægt að einbeita sér að fegurðinni í hlutunum. Já, og hananú. Hef þetta frá áreiðanlegum heimildarmanni.

Tvær vangaveltur að lokum. Til hægri og svo vinstri eða öfugt, eftir því hvort fólki þykir betra.

- hvernig stendur á því að þegar farið er í klippingu er hárið alltaf blásið og endar á því að vera eins og hjálmurinn á Prins Valíant?
- og af hverju fer allt í hakk þegar snjóar yfir Danmörku? Það virðist hafa komið öllum í opna skjöldu þótt snjónum hafi verið spáð með ágætum fyrirvara. Hnuss. Svo var þetta ekki einsu sinni bandbrjálað veður en samgöngur fóru allar í klessu. Pínu fyndið.

//eög

ein í viðbót: hvenær kemur sumarið í allri sinni dýrð?!!!!!!