Minn maður líka

Mig langar að vitna hér í þessum pistli í mann sem heitir Arnar Eggert Thoroddsen. Ég er ekki alltaf sammála því sem hann hefur fram að færa en í þetta skiptið get ég ekki annað en þakkað honum fyrir að orða hugsanir mínar svona vel. Umfjöllunarefni hans er Sex and the City:

(þetta er pínu langt, en bear with me, peoples)

Sex and the City eru með betri þáttaröðum sem fram hafa komið í sjónvarpi hin síðustu ár. Fullkomnir "feel good" þættir; vel skrifaðir þar sem gríni og drama er listavel fléttað saman. Þættirnir eru ekki það sem kalla mætti "djúpir" (ekki alveg sammála), og stundum eru þeir nánast teiknimyndalega ýktir en líkt og með friends er einhver galdur í gangi sem skilaði sér í gríðarlegum vinsældum

Ég er hins vegar ósáttur við tök handritshöfunda á karlamálum Carrie og það að hún hafi verið látin enda með Big var ekkert annað en pólitík; meiður af fruntalegri utanríkisstefnu Bandaríkjanna og sjálfumglaðri þjóðarrembu. Handritshöfundar voru með allt niðrum sig, svo tekið sé vel þekkt minni úr þáttunum, í þessum efnum. Í ljós kemur að Rússinn er vondur (hvenær hættir kalda stríðið í alvörunni?) og hver kemur til að bjarga Carrie? Jú, auðvitað kjálkastóri "all american" guttinn, sterkefnaður fálki og þótt það detti hvorki af honum né drjúpi þá er að finna hjá honum "öryggi".

En skítt með Rússann, hver fór verst út úr þessu? Jú, auðvitað "okkar" maður, Aiden, frábærlega leikinn af John Corbett. Glæpur Aiden er að hann er of "góður". Hann er nánast búddískur í ró sinni, vammlaus, ástkær, hugsandi, blíður. Carrie kastar honum frá sér, ekki einu sinni, heldur tvisvar. Það er ekki hægt að lýsa þessu öðruvísi en tortímingarhvöt hjá henni. Það er óskiljanlegt að Carrie hafi ekki endað með Aiden, og þó, þið munið þetta strákar (og stelpur). Hverjir voru það sem náðu sér í kærustur í grunn- og menntaskóla? Fíflin.



Já, nú er ég hér búin að leggja fram skoðun sem er hégómleg og allir ættu því að eiga auðvelt með að tjá sig um....koma svo!!! Kommenta!!

kv,
el valdís